Халкъыбызны багъыу амалларыКъаны азайгъаннга алма, къозу ашатхандыла, чумну, улёкъуну сыгъып, сууун ичиргендиле. Къаны азайгъан саусузгъа мурса хычин да этгендиле. *** Сууукъла тийип ауругъаннга нарат чайыр чайнатхандыла, исси сютге къошуп да ичиргендиле. *** Уста тиширыула къаратон къатынланы эрттенликде-эртте ач къарангылай сылап болгъандыла. *** Тери ауруулары болгъанны жылы гара суулада жууундургъандыла. *** Баш ауруудан къыйналгъанладан къартыкъ алгъандыла. Къартыкъ алыу– къан ийиудю. Усталарыбызны къан ийиучю алтын-кюмюш кереклери болгъанды. *** Артыкъ да сыннганнга, чыкъгъаннга уста эдиле къартларыбыз. *** Жилян ургъан адамны жарасындан къанын эмгендиле, уу жайылып кетмесин деп. Жилян ургъанны къобаргъа къоймагъандыла. Сора айрандан ичалгъаны тенгли ичирип, жукълатхандыла. * * * Заманы озуп, сёлешген эталмай тургъан сабийни аякъчыкъларындан тутуп, баш тёбен айландыргъандыла да, гыллыу кёпюрден ётдюргендиле. * * * Таулу къызланы чачлары узун да, къалын да болур ючюн мант ашатхандыла. Бек тюшген чачны тузлу суу бла жууа эдиле. * * * Сабий къызгъа кёк сохан ашаргъа къоймагъандыла, замансыз жетерикди деп. * * * Къыз тиширыуну аякълары уллу болсала: «Къул тукъумдан чыкъгъаны билинип турады», – деп болгъандыла. Аны ючюн ёсе тургъан сабий къызчыкълагъа тар чарыкъчыкъла кийдиргендиле. * * * Тамагъы неда ёпкелери ауругъан саусузгъа борсукъ жау да, ала чабакъ да ашатхандыла. * * * Кесекле тийген саусузну сыртына теке жау жагъып болгъандыла (бу дарманны сакъ этерге керекди).
Поделиться:
Читать также:
03.05.2024 - 17:24 →
Эсепле чыгъарылгъандыла
03.05.2024 - 17:23 →
Къабарты-Малкъар Республиканы Башчысы К.В.Коковну Къарачай халкъны жангырыууну кюню бла алгъышлауу
03.05.2024 - 10:16 →
Республиканы ариу жерлерине жолоучулукъ
03.05.2024 - 10:10 →
Алгъын жашларыбыз эртте юйюр къурагъандыла
03.05.2024 - 10:05 →
Малкъар тилде чыкъгъан газетни сюйюп окъугъандыла
|