Къыралгъа иги кесек къоранч тюшюргенди

Россейни ич ишле органларыны Май районда бёлюмюню полициячылары излеу-тинтиу жумушла бардыргъанда, хыйлачылыкъ этилгенин ачыкълагъандыла.

2021 жылда августда бир тиширыуну анасы ауушханды. Болсада ол аны юсюнден тийишли органлагъа билдирмегенди эмда 2023 жылда майгъа дери ол анасыны пенсиясын алып  тургъанды.  Алай бла къыралгъа 680 минг сом къоранч этилгенди.

Тиширыугъа РФ-ни УК-сыны 159.2-чи статьясыны 3-чю кесегине кёре терслеу материалла ачылгъандыла. Ала тинтилип, къабыл кёрюлгендиле эмда сюдню къараууна берилгендиле.