Таза суу бла тынглы жалчытырча

Быйыл Къабарты-Малкъарда «Таза суу» регион проектге кёре, ичер суу бла жалчытырча танг кесек иш этиледи.

Бюгюнлюкде таза суу баргъан системаланы  Нартанда  бла Къуркъужинде жангырта турадыла. Аны бла бирге  Лячинкъаяда суу жыйылгъан объектни эм  Терек шахарда да микрорайонларындан биринде суу  бла сылтаусуз этерча мадар этиледи. Тёбен эм Огъары  Къуркъужинледе  бир къауум жерледе быргъыланы жангыртхандыла, Быллым, Куба эм  Экинчи Лескен элледе да скважинала сюелтилиннгендиле. Ол санда Быллымда эки суу жыйылгъан жер къуралгъанды эм быргъыла да тартхандыла. Сармаковада, Анзорейде эм  Эски Черекде да ызланы жангыртхандыла.

Саулай алып айтханда, сагъынылгъан ишлени хайыры бла  беш мингден аслам адамны таза суу бла сылтаусуз жалчытыргъа онг табыллыкъды.