Хасанияны ара орамында ремонт барады

КъМР-ни Транспорт эмда жол мюлк министерствосундан билдиргенлерича, Нальчик шахар округну администрациясы бла Тынгылы къурулуш бардырыу организацияны келишимине кёре, бюгюнлюкде Хасанияны  Атто улу орамында таза эм кир суу баргъан ызланы алышып кюрешедиле.  Бу кюнледе   Канукоевдан  Киев орамгъа дери  машиналаны жюрюгенлерине чек салыннганды.  Элни ичи бла барыргъа башха амал болмагъаны себепли Нальчик сууну боюну бла хаух халда таш жол ишленнгенди. Энди элчиле эм Черек районнга баргъанла да кёпюрден ётгенлей онг жанына бурулургъа керекдиле. 

«Бир кесек заманнга къыйналыргъа тюшгенлери ючюн жамаутны ангыларын эм сагъынылгъан чырмауланы эсге алып алгъадан маршрутларын ойларларын тилейбиз!», деп билдиргендиле министерстводан.