Тау-лыжа курорт айныйдыБюгюнлюкде Элбрус районда 65 къонакъ юй бла энчи иели комплекс барды, орта эсеп бла жыл сайын «Элбрус» курортда солугъанланы саны 120 процентге жетеди. 2022 жылда бери 560 мингден аслам адам келгендиле, ол а алгъадагъы жылдан 31 процентге кёпдю. Турист жаны бла ишлегенлени саны уа 1480 болады. Солуу инфраструктураны къурауну чегинде юч къатлы автомобиль парковка ишленнгенди, анда бир кереге 800 машинаны къояргъа боллукъду. Сатыу-алыу жерчикле бир сыфатха келтирилип айбатландырылгъандыла, сахна орнатылгъанды. Энтта да 8 объектни къурулушу, дагъыда 30-ну проектировкасы барады. Жангы экология эм авто маршрутда жарашдырыладыла. «КъМР-да саулукъ сакълауну первичный звеносун жангыртыу» регион программаны чегинде Элбрус элде медицина учрежденияны къурулушуна федерал бюджетден 49 миллион сом бёлюннгенди. Мекям 600 квадрат метр жерни аллыкъды, анда врачланы кабинетлери, процедурныйле, кюндюзгю стационар бла болушлукъчу отоула боллукъдула. Аны къурулушу 2023 жылны декабрине бошаллыгъы белгиленеди. Жылыу бериу система, суу быргъыла алышындырыладыла Районда жашау журт-коммунал объектлени жангыртыу эм игилендириу жаны бла ишле тамамланадыла. Алай бла жети билим бериу учрежденияда модуль котельняла ишленнгендиле. Тырныауузну юч сабий садында жылыу бериу системала толусунлай алышындырылгъандыла. «Таза суу» регион программагъа кёре суу быргъыланы 2,4 километрине ремонт этиледи, сора суу жыйыу орун бла Быллымда эки резервуарны къурулушлары башланнганды. Азау таладан Элбрус элге дери канализация коллекторну эм тазалау мекямланы жангыртыу жумушла толтуруладыла, ала да 2023 жылны декабрине тамамланырыкъдыла. Тырныауузда да канализация коллекторну жангыртырча проект-смета документация жарашдырылгъанды, проект 2023-2027 жыллада толтурулуп башланырыкъды.
Поделиться:
Читать также:
28.04.2024 - 09:05 →
«Окъутуу, юйретиу ишни тамам жалчытыр ючюн хар затыбыз да барды»
27.04.2024 - 10:42 →
Онг тапдырыр орунуна...
27.04.2024 - 10:41 →
Аскерчи, актёр, ата...
27.04.2024 - 10:30 →
Таркъаймазлыкъ насып
|