Къоркъуусузлукъну жалчытыуну сюзгендиле

КъМР-де Росгвардияны управлениясында Жангы жылгъа аталгъан байрамланы кезиуюнде низамны сакълау жаны бла оператив штабны жыйылыуу ётгенди.

Бу жумушха ведомствону таматасы полицияны полковниги Сергей Васильевни башчылыгъында МВД-ны жер- жерли управленияларыны келечилери, КъМР-ни Маданият министерствосуну, Нальчик шахарны администрациясыны специалистлери да къатышхандыла.

Кенгешде сёз Жангы жылгъы байрам кюнледе жамауат къоркъуусузлукъну жалчытыуну юсюнден баргъанды. Ахырында командирлеге бла Росгвардияны жер-жерли управлениясыны  подразделенияларыны таматаларына этилген буйрукъланы юслерине энтта да башха борчла да къошулгъандыла.