Аман кёргенлеге – иги онгла

Россейни Пенсия фонду ишин бардырыуда баш борчларындан бирин инсанлагъа жумушларын толтурууну тынчыракъ этиуде кёреди, ол санда информация-ангылатыу материалла бла жалчытыуда да. Аны бла байламлы иги кёрмеген эм сокъур адамла пенсияланы эм социал тёлеулени юслеринден билдириулеге тынгыларча фондну сайтында «Голосовой ассистент» ишлеп башлагъанды, ол къысха, узун материалланы, ол санда сау статьяланы да окъурукъду. Аны себеплиги бла сайтда болгъан битеу информациягъа жангыз да къараргъа угъай, текст узун, къысха эсе да, тынгыларгъа да боллукъду. Анда текстни уллуракъ, гитчерек этерге, шрифтни ёлчемин тюрлендирирге да жарарыкъды.

Аны бла хайырланыр ючюн, сайтны «Аман кёргенлеге» деген кесегин ачаргъа, текстни керекли жерин «мышка» бла белгилерге эм «воспроизвести» (►) деген белгини басаргъа керекди. Бир затха талай кере тынгыларгъа, записьни тохтапып жангыдан башлатыргъа да жарайды.  

Былайда бир затха эс бурургъа тийишлиди: компьютерде ишлеген браузеригиз неда антивирус программа аны ачдырмазгъа да боллукъдула. Быллай чурумла чыкъмаз ючюн, браузерни неда антивирусну настройкаларын тюрлендирирге, блокировканы кетерирге керекди.