Хыйлачылагъа алданмагъыз!

21 декабря, 2022 - 12:00

Республикада коммерциялы организациялагъа Роспотребнадзорну Къабарты-Малкъарда бёлюмюню атындан хыйлачыла сёлешген тёре жангыдан кюч алып башлагъанды, деп билдиргендиле бу ведомстводан.

Аманлыкъчыла анда ишлегенлени тукъум атларын айтып, кеслерин алай танытыргъа кюрешедиле. Ызы бла энчи аскер операциягъа кетген жашлагъа болушлукъгъа жыйгъан сылтау бла ахча излейдиле.

Роспотребнадзорда аны юсюнден ол ётюрюкдю, ийнанмагъыз деп бек къаты айтадыла! Аллай адамла сёлешселе уа, мычымай правону къоруулаучу органлагъа неда ведомствогъа билдиригиз, дейдиле. Аны номерлери: 42-46-46, 42-35-74.

Улбашланы Мурат хазырлагъанды.
  • 13 просмотров
Поделиться: