Жер тюбю бла баргъан жаяу жол мардалагъа келиширча

Кёп  болмай Битеуроссей халкъ фронтну (ОНФ) Къабарты-Малкъарда  келечилери  Искож микрорайонда  Къабарты орамда жер тюбю бла баргъан жаяу жолну (переходну) болуму бла шагъырейленнгендиле.  Аны  чеклеринде кертиси бла да, адамла айтхан проблемала тинтилгендиле. Жамауатчыла аланы тамамларча шахарны администрациясына  билдиргендиле.

Бюгюнлюкде  объектни 28-чи номерли мектепге,  ДОСААФ –ны школуна  жюрюгенле  хайырланадыла,  кюннге эки кере жолну  ичи бла ётедиле.

- Атлауучланы юсю  иги  жарымагъаны эмда аланы осал болумлары, эртте-кеч болса да,  былайдан жюрюгенлени саулукъларына заран жетдирмей  къоярыкъ тюйюлдю.  Аны бла байламлы объектни тозурагъанына эс бурулурча ОНФ-ну келечилерине  жамауатдан танг кесек тарыгъыу этилгенди,- деп билдиргендиле  ата-анала.

  ОНФ-ну келечилери 2020 – 2021 жыллада да    объектини тозурагъанына эс бурурларын  шахарны администрациясына эм  Транспорт эмда жол мюлк министерствогъа письмола жазып билдире   тургъандыла. Анга кёре ведомстволада  кертиси бла проблеманы тамамларгъа кереклисин, ол санда «переходну»  ичине, тышына да къараргъа борчлусунуна угъай демегендиле.  Анга кёре тийишли ишлени 2021–2022 жыллада Къабарты орамны жангыртхан  кезиуде  этерге план болгъанын да билдиргендиле.  Бюгюнлюкде орамгъа тынгылы ремонт этилип болшалгъанды, алай сагъынлгъан объектге уа тийилмегенди.

 - Энттада бир кере проблеманы ачыкъларгъа тюшгенди. Атлауучла кюнден-кюннге бузула барадыла. Къабыргъаларында  плиткала къобадыла башха шартлада жарсырчадыла. Эм башы уа атлауучланы башы жабылмагъаныны  хатасындан къыш сууукълада  буз къаудан басады.  Аны ючюн биреулен  учхалап  бир затын ачытырына  бек къоркъуулуду.  Кече жарытырча мадар этилмегени уа бютюн бек апчытады.  Ол себепден былайдан жюрюгенлеге  - уллугъа эм  гитчеге да къайгъырырчады»,-  дейди ОНФ-ну келечиси  Евгений Бакаев.

Жамаутчыла «переход» мардалагъа келиширча   Нальчикни мэриясындан  сора да, прокуратурагъа да билдиргендиле.