Бир журтлу орус тилни билирге керекди

«Тыш къыраллада бир журтлу» деген ангыламны тюрлендирирге белгиленеди. Ол жаны бла законну проекти Къырал Думаны къараууна берилгенди. Анга кёре, энди бу ат   орус тилде сёлешгенлеге берилликди.

 Башламчылыкъны авторлары жазгъанларыча, «тыш къыраллада бир журтлугъа» Россей Федерацияны къырал тилин – орус тилни – билген саналады. Алай аны бла бирге ол Россейде жашагъан халкъладан бирини келечиси болургъа, аны ата-бабалары РФ-де тууаргъа неда жашаргъа керекдиле.

Документни ангылатыу бёлюмюнде айтылгъанча, СССР чачылгъанлы озгъан 30 жылны ичинде ол къыралны инсанлары болмагъан тёлю ёсгенди. «Аны бла байламлы «бир журтлу» деген ангыламдан СССР-ни инсанлыгъы бла байламлыкъла кетериледиле.

Къырал тышында жашагъанла ючюн къайгъыра эсе,  битеуроссей культура энчиликни сакъларгъа излей эсе, «тыш къыраллада бир журтлу» деген ангыламгъа инсан орус тилни билирге керекди деген излем  къошулургъа тийишлиди.  Россейни къырал тили – культура энчиликни бир бёлеги болгъаны баямды»,-деп акъыл этедиле документни авторлары.