Аманлыкъчылада наркотикле табылгъандыла Быйыл 10 августа оперативникле «Прохладненский» патруль-постовой службаны келечилери бла бирге Алтуд элде ишекли болуп къолунда полимер пакети бла 37-жыллыкъ алгъын да сюдлюк болгъан эркегырыуну тохтатхандыла. Хуржунну ачып кёргюзтюрюн тилегенлеринде, ичинде хансдан этилген абери табылгъанды. Экспертиза этилгенде сора ол 201,1 грамм чакълы марихуана болгъаны ачыкъланнганды. Аны бла бирге Терек шахарда Терк районну ОМВД-сыны келечилери КъМР-де МВД-ны Наркотиклеге къажау управлениясыны «Гром» энчи кюч отрядыны болушлугъу бла 57-жыллылкъ алгъын да сюдлюк болгъан эркегырыуну санкция бла юйюню тёгерек-башын тинтгендиле. Аны кезиуюнде жатманы подвалында полимер пакетни ичинде эмда эки къагъыт чулгъауда кырдыкладан этилген затла табылгъандыла. Экспертиза чыгъаргъан эсеплеге кёре ала 339,61 грамм марихуана болгъаны ачыкъланнганды. Эки шарт бла да муниципалитетледе ич ишлени органлары РФ-ни УК-сыны 228-чи статьясыны 2-чи кесегине кёре уголовный ишле ачхандыла.
Поделиться:
Читать также:
17.04.2024 - 10:44 →
Следовательге улутха берирге умут этгеннге сюд этилликди
16.04.2024 - 12:43 →
Тутмакъда жыйырма жылгъа дери тутулургъа боллукъду
02.04.2024 - 15:20 →
Болумну оноучула бла сюзгенди, учреждениялада да болгъанды
22.03.2024 - 14:58 →
Кийимлеринде уа – уу
14.03.2024 - 10:01 →
Жутлукъ
| ||
