Казбек Коков къызчыкъны саугъасы бла къууандыргъанды

Прохладный эмда Май районлагъа иш бла баргъан кезиуде Казбек Коков Прохладный шахарда алтыжыллыкъ Варвара Малахованы да жокълагъанды. Ол да бошдан болмагъанды: къызчыкъны ыннасы Соколенко Татьяна Васильевна республиканы Башчысыны «тюзюнлей эфирине» письмо жибергенди. Анда Варвара ит кючюкге эрттеден бери термилгенин билдирип, аны сабийге саугъаларын тилегенди.

Казбек Коков ол тилекни толтургъанды эмда къызчыкъгъа французлу бульдогну кючюкчюгюн келтиргенди. Ол къызчыкъ аллай саугъагъа бир да болмагъанча къууаннганды. Аны киштик баласы, къоянчыгъы да бардыла, алай ол итчиги болса да сюйгенди эмда олсагъат анга ат да атагъанды – Пона деп. Варвара Казбек Валерьевичге жюрек ыразылыгъын билдиргенди эмда жангы тёртаякълы шуёхчугъун сакъларгъа, ариу юйретирге да сёз бергенди.