Россейни Президенти Мария Ласицкенени Токиода Олимпиадада хорламы бла алгъышлагъандыКремльни энчи сайтында Владимир Путин Къабарты-Малкъардан олимпиадалы чемпионкагъа жиберген алгъышлау телеграмманы тексти басмаланнганды. «Хурметли Мария Александровна! Сизни Токиода аламат хорламыгъыз бла алгъышлайма! Бийикге секириуден дунияны биринчи юч къатлы чемпиону болуп тургъанлай, Сиз женгил аилетикадан ата журтлу школну намысын энтта да бийикге кётюргенсиз. Уллу усталыгъыгъыз, сабырлыгъыгъыз эмда кеси кючюгюзге базыннганыгъыз Сизге спорт жашауугъузда биринчи олимпиадалы алтын келтиргендиле, алай бла Россейде сизден умут этип тургъан миллионла бла адамланы къууандыргъансыз»,- деп белгилегенди къыралны оноучусу, бизни айтхылыкъ спортчу къызыбызгъа жангы жетишимле, монглукъ, ырахатлыкъ да тежеп. Эсигизге салайыкъ, Прохладныйни женгил атлетикадан школунда юйреннген 28-жыллыкъ Мария Ласицкене озгъан шабат кюн XXXII Олимпиада оюнлада бийикге секириуден алтын майдалгъа тийишли болгъанды.
Поделиться:
Читать также:
16.05.2024 - 11:12 →
Жангы миллет проектлени мурдору салыннганды
13.05.2024 - 11:41 →
Казбек Коков Россейни Жигити Тимур Тамазовха эсгертме ачылыууна къатышханды
08.05.2024 - 14:00 →
Къырал Башчы салгъан борчла толтуруллукъдула
07.05.2024 - 16:51 →
Къыйын болумладан сакъланыуну мадарларын сюзгендиле
02.05.2024 - 09:15 →
Спортну байрамы андан ары бардырыллыкъды
|