Онкология ауруулагъа жарагъан дарманла энчи эсепдедиле

Бюгюн КъМР-ни Башчысы бардыргъан «Тюзюнлей  линиягъа» республикада жашагъан бир тиширыу онкологиядан ауругъанла дарманларын кезиуюнде алмайдыла деп сёлешгенди.

Казбек Коков билдиргеннге кёре, башда сагъынылгъан эм къыйын ауруулагъа жарагъан дарманла бир тюрлю чырмаусуз табылып турлукъдула.

«Республикагъа башха тюрлю дарманла да келтирилликдиле, алагъа деп ахча бёлюнюрюкдю, алай онкологиягъа жарагъанла уа энчи эсепдедиле. Аллай дарманланы  заманында республикагъа келтириу бла байламлы ышангылы ситеманы къурарыкъбыз, тыйгъыч боллукъ тюйюлдю.  Чырмаула не ючюн болгъанларын да ангылатайым, Онкология арада оноучула алышындырылгъандыла, ахча кезиуюнде ётдюрюлмей тургъанды, врачла да саусузну  бакъгъан методикаларын тюрлендирип. 

Мени онкологиядан ауругъанланы алларында энчи жууаплылыгъым барды», - дегенди республиканы оноучусу.