Къанатлыланы къайгъысын кёре«Россети Шимал Кавказ» компанияны специалистлери быйыл бизни республикада электрокюч ызлада къанатлыланы ток ургъандан сакълагъан 1140 устройство орнатыргъа умутлудула. Бу ишни чеклеринде бегирекда регионну Къызыл китабына тюшген къанатлыланы къоруулаугъа магъана бериледи. Бюгюнлюкге анда аланы 53 тюрлюсю барды, ол санда: египетли чилле, къара чиллеаякъ, илячинле эмда баппушла. Ала жашагъан жерлеге энергетикле бек сакъдыла, ток болгъан оборудованияда уяларын салмазча мадар этедиле. Быллай устройстволаны орнатыу бла компания талай жылны кюрешеди. Сёз ючюн, былтыр аланы саны 345-ге кёбейген эди. Бу затла полимер материалдан этиледиле, ток чыбыкъла чыпынлагъа къошулгъан жерлени гам жабадыла. Дагъыда ызлагъа къанатлы къонса, аланы бир-бирлерине тийдирирге къоймайдыла. Аны хайырындан аварияланы саны азаяды, электрокюч бла жалчытыу а ышаннгылы болады.
Поделиться:
Читать также:
04.05.2024 - 10:00 →
АТЫ ИГИЛЕНИ ТИЗГИНЛЕРИНДЕ АЙТЫЛАДЫ
04.05.2024 - 09:05 →
Кючюню нюрюн кенгнге жая
03.05.2024 - 17:24 →
Эсепле чыгъарылгъандыла
03.05.2024 - 17:23 →
Къабарты-Малкъар Республиканы Башчысы К.В.Коковну Къарачай халкъны жангырыууну кюню бла алгъышлауу
03.05.2024 - 10:16 →
Республиканы ариу жерлерине жолоучулукъ
|