Энергетикле къыйын болуилада ток бла чырмаула болмазча этедиле«Россети Шимал Кавказ» компания быйыл СКФО-да 5,2 минг энергообъектге ремонт этерикди. Ол санда: 36 трансформаторгъа, юч минг чакълы трансформатор подстанциягъа эмда 2,2 минг коммутация аппаратха. Къабарты-Малкъарда специалистле 187 аппаратны бла 98 подстанцияны жангыртырыкъдыла. КъЧР-де, Шимал Осетияда, Ингушетияда эмда Чечен Республикада да аслам иш тындырыргъа тюшерикди. Аланы асламысы Ставрополь крайда бардырыллыкъды: анда 1267 аппаратха эмда 1276 подстанциягъа ремонт этилликди. Компанияны башчысыны биринчи орунбасары Виктор Абаимов айтханыча, ол жумушланы хайырындан, къыйын табийгъат болумлада да электрокюч бла жалчытыу ышаннгылы боллукъду. «Къышда - жай иссиликге, уллу желлеге, жауунлагъа хазырланыргъа керекди, кюзде уа – келир къышха. Ишни аллындан окъуна тынгылы этсе, электрокюч комплексде жарсыу чыгъарыкъ тюйюлдю», - белгилегенди ол.
Поделиться:
Читать также:
15.05.2024 - 11:06 →
Газетибизге билеклик этейик
13.05.2024 - 08:58 →
Газетибизни къадарына билеклик этейик
08.05.2024 - 14:10 →
Эришиуле Тогъузаланы Кемалны хурметине жораланадыла
08.05.2024 - 10:41 →
Газетни къадары кеси къолубуздады
08.05.2024 - 09:09 →
Хайырланыучулагъа хар жаны бла да тап тюшерча
|