Улоуланы урлагъандылаМашинаны урлагъанларына ишекликде ГИБДД-ны къуллукъчулары эки инсанны тутхандыла. Быйыл 22 февральда 13 сагъатда Нальчикде УМВД-ны дежурный бёлюмюне эр киши сёлешип, ким эсе да аны «ВАЗ-21099» машинасын урлагъанын билдиргенди. Ачыкъланнганыча, эр киши транспортну юйюню къабакъларыны аллында къойгъанды. Ол сабийин алып чыкъгъынчы уа ким эсе да аны урлагъанды. ДПС-ны экипажларындан бирине урланнган машинаны видеокамерала «Стрелка» микрорайонда ачыкълагъанларыны юсюнден билдириу келгенди. Къысха замандан уручу тутулгъанды. Ол башы алгъын да сюдлюк болгъан 30-жыллыкъ кенжечиди. Кеси да аманлыкъны этген кезиуде кеф болгъаны тохташдырылгъанды. Ол кюн ингирде 2 сагъатда 26-жыллыкъ нальчикчи ким эсе да аны «ВАЗ-21013» машинасын урлагъанын билдиргенди. Инспекторла аны 2-чи номерли автовокзалны тийресинде ачыкълап, уручуну тутхандыла. Аманлыкъчыла экиси да полициягъа жетдирилгендиле. Ала айтханларыча, машиналаны бир кесек учаргъа сюйюп урлагъандыла. Эр кишилеге РФ-ни УК-сыны 166-чы статьясыны 1-чи кесегине кёре терслеу материалла ачылгъандыла.
Поделиться:
Читать также:
06.05.2024 - 13:24 →
Терроризмни башын жулургъа кюрешип
06.05.2024 - 13:24 →
Эркинликлери болмай тохтагъандыла ишге
17.04.2024 - 10:44 →
Следовательге улутха берирге умут этгеннге сюд этилликди
16.04.2024 - 12:43 →
Тутмакъда жыйырма жылгъа дери тутулургъа боллукъду
02.04.2024 - 15:20 →
Болумну оноучула бла сюзгенди, учреждениялада да болгъанды
|