Социал-экономика жаны бла айныугъа-энчи эсШимал Кавказ федерал округну стратегия эм инвестиция жаны бла айнытыу департаментини таматасыны орунбасары Сослан Абисалов эм Россейни экономика айнытыу министерствосуну тыш жерле бла сатыу-алыу бардырыу академиясыны (ВАВТ) тамата илму къуллукъчусу Мария Горячко Эки кюнлюк командировка бла Къабарты-Малкъарда болгъандыла. Аны юсюнден КъМР-ни Экономика айнытыу министерствосуну пресс-службасындан билдиргендиле. Бюгюнлюкде Россейни Экономиканы айнытыу министерствосу бла ВАВТ байламлыкъда 2025 жылгъа дери Шимал-Кавказны социал-экономика жаны бла айнытырча стратегияны жашауда бардырадыла. Аны чеклеринде СКФО-ну субъектлеринде ВАВТ-ни келечилери жер-жерледе болуп, толтуруучу власть органланы, самоуправленияланы, предпринимательлени, экспертлени эм башхаланы оюмларына тынгылагъандыла.Ол санда аллай тюбешиу КъМР-ни Экономика айнытыу министри Рахайланы Борис эм аны орунбасарлары Темиркан Баждугов, Хусен Тимижев эм Къабарты-Малкъарны айнытыу корпорацияны таматасы Чочайланы Ахмат къатышып кда къуралгъанды. «Стратегияны хазырлауда баш борчладан бири хар субъектде болум бла энчи халда шагъырейлениргеди»-, деп белгилегенди Сослан Абисалов.
Поделиться:
Читать также:
17.05.2024 - 10:10 →
«Заман» газет тарыхыбызны сакъларгъа себеплик этеди
15.05.2024 - 11:06 →
Газетибизге билеклик этейик
13.05.2024 - 08:58 →
Газетибизни къадарына билеклик этейик
08.05.2024 - 14:10 →
Эришиуле Тогъузаланы Кемалны хурметине жораланадыла
08.05.2024 - 10:41 →
Газетни къадары кеси къолубуздады
|