Жол ишчилени харкюнлюк къайгъылары

Республиканы кёп къалмай битеу районларыны жолларында шёндюледе иги кесек жангыртыу эмда тапландырыу ишле бардырыладыла. Къыш сууукъла келгинчи подряд организацияланы специалистлери алада чунгурланы жамап бошаргъа керекдиле. Дагъыда асфальтны юсюнде жангыдан ызла ишлерге, жанында белгиле орнатыргъа, жыйылгъан кир-кипчикден тазаларгъа да. Бу ишлеге кюн шёндю чырмаулукъ этмегени да игиди. Аны хайыры бла белгиленнген жумушланы кеч къалмай тамамлап бошаргъа къолдан келликди, дейдиле КъМР-ни Транспорт эмда жол мюлк министерствосунда. Водительлеге уа быллай ишле бардырылгъан жерледе аз-маз чырмаулукъла болурун эсге саладыла.