Жол жанларын бегитедиле

14 октября, 2020 - 08:19

Бабугентни бла Бызынгыны арасында жолну жангыртыу энтта да барады. Шёндюге дери подряд организацияны специалистлери аны черекге жууукъ жерлерин тиреуле орнатып, ёрге жанларын а ташладан толу аула тизип кючлендиргендиле. Кёп къалмай сегиз километр участкада уа эки къатлы асфальт  салып чыкъгъандыла. Энди уа темирден ишленнген бурууланы орнатыу барады. Ала бла жолну жети километр кесегини жанлары  бегитилликди. Бу кюнлеге 1,5 километрде мадар этилгенди.

Эсигизге сала айтсакъ, бу жолну жангыртыу проект,  экиге бёлюнюп, былтыр бардырылып тебирегенди. Ол жыл аны 4,6 километр кесегине ремонт этилгенди. Быйыл а къалгъан 7,7- километрлик участкасы келтирилликди тап халгъа. Ишлени бары да «Къоркъуусузлу эмда тынгылы  автомашина жолла» деген миллет проектни чеклеринде бардырыладыла.

  • 12 просмотров
Поделиться: