«112» система къыйматлы ишлейди

Озгъан айны ичинде Къабарты-Малкъар Республиканы 112-системасыны арасына гражданла кёп къалмай 23,3 минг кере сёлешгендиле. Аладан 3,3 минги болжалына салыргъа жарамагъан жумушлары бла, деп билдиргендиле республиканы Транспорт эмда жол мюлк министерствосундан. Ол санда от ёчюлтюучю службадан болушлукъ излеп - 96, полициягъа - 605, медицина службагъа - 2382, газ бла жалчытыучу организациягъа - 71. Жашау журт -коммунал жумушла бла байламлы справкала берген службагъа да жюз бла жарым адам сёлешгенди.

Араны специалистлери гражданланы жашауларына эмда саулукъларына къоркъууланы, правогъа бузукълукъ этиле тургъаныны юслеринден сёлешгенлерине къарайдыла, аланы мычымай экстренный эмда оперативный службалагъа билдиредиле. Аланы келирлери керек тюйюл эсе уа консультацияла эмда справкала бередиле.

Россей Федерацияда битеу тюрлю экстренный службалагъа телефон бла сёлешиу хакъсызды.

Бизни республикада быллай службалагъа тюзюнлей стационар неда сотовый телефон бла сёлеширге боллукъду. Аланы номерлери ма быладыла:

01 (сотовый бла – 101) - от ёчюлтюучюлени службасы.;

02 (102) – полиция;

03 (103) – терк медицина болушлукъ берген служба;

04 (104) - газ бла жалчытыучу организацияны службасы.