Нартюхню оруу къыстау къыстау

4 сентября, 2020 - 14:44

Бу кюнледе Урван  районда   нартюхню ура орадыла. Быйыл ол  мюлклени барысында да    11 минг гектар чакълы жерде  ёсдюрюлгенди. Арендаторла урлукъгъа    кесибизни эм тыш къыраллы сортладан айырмалыланы   салгъандыла.

Жыл къургъакъ болгъанына эмда башха чырмаула  чыкъгъанларына да  къарамай, Эски Черекде бла Урванда   бай тирлик жыйылады.

 Бусагъатда муниципалитетде нартюх  90 гектарда кетерилгенди. Саулай айтханда, бир гектардан  384 тонна чыгъады. Былтыр бу заман бла тенглешдиргенде, бир  гектардан 43 центнерге аслам алынады.   

 Черекчиле алманы жыйып башлагъандыла

Республиканы бирси жерлериндеча, Аушигерде, Зарагижде эм Жемталада алманы жайда бишген  сортларын жыйып башлагъандыла. Быйыл терек бахчала бай тирлик берир ючюн жаз башында кезиулю  мадарла этилген эдиле.   

Бюгюнлюкде  мюлкледе «Вильямс прайд»  эм «Гала» сортладан 440 тонна чакълы жыйылгъанды. Жемишни жууукъ  элледен адамла келип,  къоллары бла аяулу пластик орунлагъа  жыядыла.  Ол  а  бир кезиуге адамланы иш бла жалчытыргъа да ахшы себеплик этеди.

 Аушигерде уа алмала бла бирге  эрикле  да   жыйыладыла.

Курданланы Сулейман хазырлагъанды.
  • 15 просмотров
Поделиться: