Тау жол сентябрьге хазыр боллукъду

Бу кюнледе «Къоркъуусуз эм качестволу автомобиль жолла» миллет проектни чеклеринде «Бабугент – Бызынгы» жолгъа   тынгылы ремонт этиле турадыла. Былтыр ишле  жалан 4,6  километр чакълы участокда бардырылгъан эдиле. Быйыл а аны  къалгъан 7,6 километри  жангыртылады.  Ишлени  чеклеринде эки къат асфальт жайыллыкъды, жауун суу саркъырча система да ишленирикди.

Шёндю  жол жанлары бла къоркъуусузлукъну жалчытхан темир бурууланы  тартып, жер оюлмазча бетондан  эм темир ташлары бла темир ауладан хунала салып бошагъандыла.  
⠀
Келишимге кёре, битеу   жумушла  да  бара тургъан жылны ахырына тамамланылыргъа   керекдиле. Болсада заказчик  эм  подрядчик да тири къармашханларыны себебинден, объект сентябрьге окъуна  хазыр этилликди.