Тирлик тёрт кереге кёбейгендиКъабарты-Малкъарда арт он жылда жемишлени бла тахта кёгетлени ёсдюрюу тёрт кереге кёбейгенди эм 350 минг тоннагъа жетгенди. Ол а республикада терк айныгъан технологияла тири хайырланнганларыны себебинденди. - Он жыл жыл мындан алгъа 90,4 минг тонна жыйылгъан эсе, былтыр ол 349,5 минг тоннагъа жетгенди. Быйыл а жерчиликде уруннганла андан да бай тирлик алыр муратлыдыла, деп билдириледи КъМР-ни Эл мюлк министерствосуну пресс-службасындан. Бюгюнлюкде Къабарты-Малкъар терк айныгъан терек бахчаланы кёплюгю бла къыралда биринчилени санындады. Эсге сала айтсакъ, 2008−2019 жыллада регионда 13 минг гектар орнатылгъанды. Аллай терекчикле экинчи жыл окъуна тирлик берип башлайдыла. Сёз ючюн, 2010 жылда бир гектардан 119 центнер кёгет чыкъгъан эсе, былтыр ол 249 центнерге жууукълашханды. Анга кёре, тирликге эки кере къошулгъаны баямды. Быйыл республикада 1,25 минг гектарда терек бахчала къуралгъандыла. Ол а планда белгиленнгенден эсе 20 процентге кёпдю. Битимлени асламысы алмала бла ташлары болгъан жемишледиле, наныкъла да иги кесек бардыла. Сагъынылгъан жерни кёбюсюнде неда 1,1 минг гектарында битимлени терк айныгъан тюрлюлери ёсдюрюллюкдюле.
Поделиться:
Читать также:
02.05.2024 - 17:43 →
Къабарты-Малкъарда суу жагъаланы ариуларгъа 30 минг адам къатышханды
02.05.2024 - 14:58 →
Кёкшуу ёсдюргенлеге къошула барады
02.05.2024 - 14:57 →
Нартюх салып кюрешедиле
02.05.2024 - 14:56 →
Терек бахчаланы санына къошулады
02.05.2024 - 13:00 →
Жумушланы электрон халда къалай тамамларгъа боллукъду
|