Алчы оноучуланы ачыкълап, алагъа билеклик этергеШимал-Кавказ федерал округдан къошулгъан конкурсчулагъа деп Пятигорскде 1 февральда «Лидеры России-2020» деген эришиуню регионал жарым финалы ачыллыкъды. Келген 8334 заявкаладан жарым финалгъа 332 адам чакъырылгъанды, ала дистанцион халда урумда бек иги эсепле кёргюзтгенледиле. Аланы араларындан Къабарты-Малкъардан 30 инсан да барды. Эндиги къураллыкъ очный халда сынамлагъа къатышыргъа эркинлик алыр ючюн, жарым финалчылагъа къайтарылып бардырыллыкъ компьютер тестированияда онлайн-урумну эсеплерин шагъатларгъа керек боллукъду. Жарым финалны эки кюнюнде – 1 эм 2 февральда – къатышханла кеслерини алчы болалгъан ышанларын, очный сынамлада финалгъа жетерге тийишли болгъанларын кёргюзтюрге тийишлидиле. Программагъа кёре тюрлю-тюрлю мастер-классла, аналитика ишчи оюнла къураллыкъдыла. 2 февральда эсепле чыгъарыллыкъдыла, СКФО-дан финалчыла белгиленирикдиле, аланы Сочиге суперфиналгъа чакъырлыкъдыла. «Лидеры России» эришиуню Россей Федерацияны Президентини буйругъу бла РФ-ни Президентинде Эл мюлкню эм къырал службаны Россей академиясыны билеклиги бла «Россия – страна возможностей» автоном коммерциялы болмагъан организация жашауда бардырады. Ол кеси да аллай атлы платформаны алчысыды, 23 проектни бирлешдиреди. Аны баш борчу - алчы оноучуланы ачыкълап, алагъа билеклик этергеди. Конкурс бардырылгъан эки жылгъа бийик даражалы жерлеге 150-ден артыкъ адам тийишли кёрюлгенди: аладан экиси губернаторла болгъандыла, бешеулен – федерал министрлени орунбасарлары.
Поделиться:
Читать также:
17.05.2024 - 16:37 →
Таулуланы адетлеринден
17.05.2024 - 13:07 →
«Маданият жашау сейир болур ючюн, къолубуздан келгенни аямайбыз»
17.05.2024 - 11:05 →
«Сени ючюн, кесим ючюн да»
16.05.2024 - 10:30 →
«Инсанны къууанчын ётдюрген бек уллу жууаплылыкъды»
15.05.2024 - 14:35 →
«Тепсеуню кесини энчи тили барды»
|