Объектле бошуна турмазча

Кёп болмай «Россети Северный Кавказ» - «Каббалкэнерго»  биригиу  иелери болмай бошуна тургъан энергообъектлени къолгъа этгенди. Ол санда Элбрус бла Заюковода  0,35 Мегават ток берген эки  подстанцияны, Карагач,   Атажукино эм Заюково элледе да  4,9 километр тенгли бирде ток ызланы.  

Эсге сала айтсакъ, Россейни  законодательствосуна тийишлиликде, ток бла жалчытхан биригиу аны мюлкюне кирмеген объектлеге ремонт этерге эркин тюйюлдю. Ол себепден аллай сооруженияла тийреге къоркъуу салгъанларындан тышында, ток бла жалчытыу жумушда да уллу  чырмау саладыла. Аны ючюн, биригиу   эм биринчи аланы жангыртырча, тынгылы ремонт этерча мадар излейди.

Мындан арысында  «Каббалкэнерго»  законодательствогъа тийишлиликде электросетьле бла байламлы объектлеге тынгылы инвентаризация  бардырлыкъды.