Конкурсха къатышыргъа чакъырадылаРФ-ни Сюд приставларыны федерал службасыны КъМР-де Управлениясы «Хрустальные звездочки» битеуроссей фестивальны регион бёлюмю башланнганын билдиреди. Анга право низамны сакълаучу структураланы, власть органланы келечилерини 7 жылдан 18 жылгъа дери сабийлери къатышыргъа боллукъдула. Эришиуле юч бёлюмде бардырыладыла: «Вокал», «Хореография» эм «Исполнительское творчество». Аны юсюнден бизге УФССП-ны пресс-службасындан билдиргендиле. Анга къатышыргъа сюйгенле быйыл 15 мартха дери УФССП-ны профессионал окъутуу эм юйретиу жаны бла бёлюмюне заявка жазаргъа боллукъдула (360000, Нальчик, И. Арманд орам, 43 а мекям) неда бу электрон адресге жазаргъа да жарайды: azamatova@07.fssp.gov.ru. Конкурсну юсюнден толу шартла Управленияны «Эришиуле эм фестивальла» бёлюмюнде басмаланыпдыла. Соруулары болгъанла бу телефон номерге сёлешигиз: 8 (928) 910-04-14; 8 (903) 490-86-10. Фестивальны ФССП сабийлени фахмуларын ачыкълаугъа себеплик этер мурат бла 2007 жылдан бери бардыргъанын айтырчады.
Поделиться:
Читать также:
17.04.2024 - 10:44 →
Следовательге улутха берирге умут этгеннге сюд этилликди
16.04.2024 - 12:43 →
Тутмакъда жыйырма жылгъа дери тутулургъа боллукъду
02.04.2024 - 15:20 →
Болумну оноучула бла сюзгенди, учреждениялада да болгъанды
22.03.2024 - 14:58 →
Кийимлеринде уа – уу
14.03.2024 - 10:01 →
Жутлукъ
|