Атлетлерибизде – аслам майдал

Ставропольда женгил атлетикадан СКФО-ну биринчилиги бардырылгъанды, анга 500-ден аслам спортчу къатышханды.

Къабарты-Малкъарны атындан анда Спорт министерствону  олимпиада резервли спорт школуну, Майскийни спорт школуну эм Прохладныйден Олимпиаданы чемпиону Мария Ласицкенени атын жюрютген спорт школну къауумлары эришгендиле. Спортчула 60, 200, 400, 800, 1500, 3000 метрге, чурумлары бла 60 метрге чабыуда, бийикликге эм узунуна секириуде, ядрону тюртюуде, дискни бла копьёну атыуда сынашхандыла. Республикабызны атлетлери 12 алтын, 7 кюмюш, 6 доммакъ майдал къытхандыла. Эсеплеге кёре жыйымдыкъ команда къураллыкъды, анга киргенле Россейни биринчилигине къатышырыкъдыла.