Къырал даражалы эришиулеге къатышырыкъдыла

«Нальчик» спорт арада эстетика гимнастикадан «Минги тауну кубогу» деген эришиу къуралгъанды, анга Нальчикден, Нарткъаладан бла Басхандан, Шимал Осетия-Аланиядан, Ставрополь эм Краснодар крайладан, Ростов областьдан къауумла къатышхандыла.

Кеслерини жыл санларында «Эльбрус», «Эльбрус Олимпия», «Эльбрус-Вершина», «Эльбрус-Фортуна» къауумла хорлагъандыла. Энди «Эльбрус» бла «Эльбрус Олимпия» республикабызны атындан «Россейни ышаныулары» эм «Россейни кубогу» эришиулеге барлыкъдыла, ала уа 14 февральда Къазанда боллукъдула. «Эльбрус-Вершина» бла «Эльбрус-Фортуна» уа мартда Москвада «Примавера» турнирде сынашырыкъдыла.