Нальчикде айырыула бла байламлы штаб ишлеп башлагъанды

25 декабря, 2023 - 11:24

Келир жыл март айда бардырыллыкъ президент айырыула бла байламлы  Къабарты-Малкъарда битеу россейли регионладача Владимир Путинни   штабы ачылгъанды. Аны баш мураты инсанладан къол ызланы жыйыуду.

 Штаб Профсоюзланы юйюнде орналгъанды, ол сау кюнню ичинде ишлерикди, адамладан къол ызларын алыу иш 23 декабрьде башланырыкъды. Регион штабны оноучусу билдиргеннге кёре, 16 декабрьде Къабарты-Малкъарны келечилери Владимир Путинни кандидатын Россей Федерацияны Президентине кёргюзтюу бла байламлы башламчылыкъ къауумну ишине къатышханды.

«Биз халкъны биригиую къалай баргъанына шагъатбыз, аллай магъаналы иш бир къыралда да барырылмайды-битеу Россей шёндюгю къырал башчыбыз ючюн март айда боллукъ айырыулада къол кётюрлюкдю. Зарядьеде политикледен сора да, жамауат иш бла кюрешгенле, артистле, блогерле, тюрлю -тюрлю иш бла ж убаннган бош адамла, ветеранла, энчи аскер операциягъа къатышханла, врачла, устазла эмда промышленникле бла предпринимателле болгъандыла», - дегенди Муаед Дадов, штабны биринчи жыйылыуун ача.

  «Сёзсюз, Владимир Путин-чынты башчыды. Ол шёндю кандидатды, алай аны хар россейли къырлны башында кёреди. Ол бизни къыралыбызны жалынчакъсызлыгъын, бирлигин сакъларгъа эм кючлер умутлуду. Биз былайгъа Къабарты-Малкъарда Владимир Путинни айырыу штабыны иши башланнганы бла байламы жыйылгъанбыз», - деп чертгенди Муаед Дадов.

 Штабны биринчи жыйылыуунда Къабарты-Малкъарда Евгений Бакаев, Фатимат Амшокова, Дмитрий Парафилов штабны таматасыны орунбасарларына айрылгъандыла. Текуланы Амырбий, Черим Нахушев эм  Карина Орехова башламчылыкъ къауумуну санына киредиле.   

 «Шёндю Владимир Владимирович Путинни кандидатурасы жанлы болууну тюзге санайма. Ол бизни къыралны къоркъуусузлугъун эм андан ары айныуун жалчытырыкъды», - дегенди Черим Нахушев.

 «Владимир Путин -  дуния башында окъуна эм кючлю къырал башчыладан бириди. Аны даражасы эм бийикде турады.  Мен оюм этгеннге кёре, бизни къыралда Владимир Путинден тийшли  кандидат жокъду. Биз аны бла биргебиз», -деп белгилегенди Текуланы Амырбий. 

  • 16 просмотров
Поделиться: