Жангылыкъла

Бу декабрь ай байрамладан бай болгъанды дерчады. Элбрус районнга, ол санда эм ариугъа эмда сюйдюмлюге тауланы халкъла аралы Кюнюн санаргъа тийишлиди. «Приэльбрусье» Миллет паркны экология жарыкъландырыу бёлюмю аны бла байламлы тематика конкурс бардыргъанды.

«Эльбрус» курортда дисконт программа ишлеп башлагъанды. Энди канат жоллагъа эмда лыжа трассалагъа «ски-пасс» билетни багъасын «МИР» карта бла тёлегенде, беш процентге азыракъ ахча берирге онг барды. Аны Азау талада кассада неда интернет бла тамамларгъа боллукъду, деп билдиргендиле РФ-ни Банкыны КъМР-де бёлюмюнден.

КъМР-ни Башчысы Казбек Коков Прохладныйде жашагъан онбешжыллыкъ Исламны муратын толтургъанды. Алгъаракълада жашчыкъ Къабарты-Малкъарны оноучусуна кесини юйюрюню, анасыны, къарындашларыны юслеринден письмо жазгъанды,  «Муратлагъа жетдирген назы терекде» болуп, гитче къарындашчыкъларыны тилеклерин толтурургъа сюйгенин да билдиргенди. 

КъМР-ни Башчысы Казбек Коков Россей Федерацияны Шимал-Кавказ федерал округда толу эркинликли келечиси Юрий Чайка бардыргъан приёмгъа къатышханды. Ол кюн тарыгъыуу бла Зольск районну Сармаково элинде жашагъан биреулен келгенди. Ол Сармаково-Совхозное-Зольское жол осал халда болгъанын  айтханды.

КъМР-ни Башчысы Казбек Коков ишчи кенгеш бардыргъанды. Анда сёз республиканы келир жылгъа бюджетини юсюнден баргъанды.

Келир жыл биринчи январьдан башлап, Россей Федерацияда абаданлыкъ бла байламлы страховой пенсия бериуде жангы жорукъла хайырланылып башланырыкъдыла. РФ-ни Пенсия фондуну Правлени бу документни быйыл 28 сентябрьде къабыл этгенди.

Алгъаракълада билдиргенибизча,  КъМР-ни Башчысы Казбек Коковну буйругъу бла бу айны жетисинде Огъары Малкъар бла Хушто-Сырт эллеге рейсге 23-40  адам сыйыннган «ПАЗ» автобусла  чыкъгъандыла. Ол  а адамланы тилеклери бла  этилген ишди. Биз, Нальчикни 2-чи номерли автовокзалында болуп, водительлеге  бла  пассажирлеге  тюбеп,  болумну юсюнден хапар соргъанбыз. 

КъМР-ни Транспорт эмда жол мюлк министерствосу «Къоркъуусуз эм тынгылы автомобиль жолла» миллет проектни чеклеринде аслам жумуш тамамлайды. Тынгылы ремонт ишле бла бирге, жолла кече жарыкъ болурча мадар да этиледи. 

«Россети Шимал Кавказ» компания бизни республикада «Прохладная-1» подстанциягъа тынгылы ремонт этип бошагъанды. Аны бла энди токъсандан артыкъ социал объектни эмда жюз минг инсанны электрокюч бла жалчытыу бютюнда ышаннгылы болгъанды, деп билдиргендиле предприятияны Къабарты-Малкъарда бёлюмюнден.

Казбек Коков «Муратлагъа жетдирген назы терекчик» деген акциягъа къатышханды. Аны башлай, ол аллай жандауурлукъ ишни бардырыуну ниети волонтёрладан чыкъгъанын, Россейни Президенти Владимир Путин а аны дурус кёргенин эсгертгенди. Къабарты-Малкъарны Башчысы  Волонтёрлукъну айнытыуну ресурс арасыны келечилерине бу акцияны къурагъанлары ючюн ыразылыгъын билдиргенди.