Билим

Хасанияда  Фрийланы Рамазанны атын жюрютген 16-чы номерли мектепде окъугъан жашла бла къызла Россейни сабийлерини эмда жаш тёлюсюню  «Биринчилени атламлары» деген жамауат  организацияны тизгинлерине къошулгъандыла.  Ол къууанчлы ишге аталып, мектепде жыйылыу болгъанды. Анга бу жамауат организацияны  КъМР-де регион бёлюмюню советини члени  Фатимат Мукова, устазла, окъуучула, ата-анала, башха къонакъла да  тири къатышхандыла.

Кёп болмай Къабарты-Малкъар къырал университетни иш бла жалчытыу  бёлюмюню таматасы Мурат Кайцуков «Россейни студент къауумлары» биригиуню  бёлюмюню таматасыча,  Саратов шахарда  жаш тёлю организацияны битеуроссей кенгешине  къатышханды.  

Къабарты-Малкъарда «Билим бериу: келир заманнга къарам» деген ат бла форум бир ненча кюнню ичинде бардырылгъанды. Тюбешиуге мектеплени директорлары бла завучлары къатышхандыла. Аны кезиуюнде жыйырмадан аслам кенгеш майдан да ишлегенди.

Россейни МЧС-и жамауатны къоркъуусуз жашау бардырыргъа юйретиуге энчи магъана береди. Ол мурат бла республиканы билим бериу учрежденияларында профилактика ишле тамамланадыла.

Онунчу-онбиринчи классланы окъуучуларына деп къуралгъан «Жаш тёлю эмда жамауат» деген социал илмуладан ачыкъ олимпиада Къабарты-Малкъар къырал университетде озгъанды. Ол окъуу юйню вузгъа дери эмда усталыкъ бла шагъырейлендириу иш жаны бла управлениясыны бла социал ишни теориясы эмда технологиясы кафедрасыны башламчылыкълары бла къуралгъанды.

Кёп болмай Къабарты-Малкъар къырал университетни келечилери Москваны билим бериу бла байламлы халкъла аралы салону - «ММСО.EXPO-2023» деген къырал даражалы кёрмючюне къатышхандыла. Делегацияны къауумуна вузгъа киргинчи хазырлау эм усталыкъ сайларгъа болушуу   управленияны таматасы Аксана Карашева, педагогика, информация технологияла эм экономика колледжлени экинчи эм ючюнчю курсларыны окъуучулары Рузана Мамбетова бла Ногъайлыланы Камила болгъандыла. Бу жол ол Педагогну бла насийхатчыны жылына аталып ётгенди.

Сабийлени тюрлю-тюрлю болумлада къоркъуусуз жашау бардырыргъа юйретиу, от тюшюуге къоркъуусузлукъну жорукъларын билдириу – сейирлери болгъан битеу министертволаны борчуду. 

Бу кюнледе Къабарты-Малкъар къырал университетде школчуланы регион даражада къуралып бардырылыучу предмет олимпиадаларыны – программированияны бла орус тилни – эсеплери белгили болгъандыла. Алагъа сегизинчи-онунчу классланы окъуучулары къатышхандыла.

Россейни илмуларыны академиясыны Къабарты-Малкъар илму арасыны «Прикладная математика эм автоматизация институтуну» геофизика болумланы математика моделированиялары бёлюмюню тамата илму къуллукъчусу, техника илмуланы доктору, профессор, РАН-ны эксперти, КъМР-ни илмусуну сыйлы къуллукъчусу Анахаланы Назирни жашы Кошкинбай жашауун илму тинтиулеге жоралагъанды. Ол жолда аны жетишимлери да асламдыла, магъаналыдыла. Аллай акъыллы, оюмлу адамларыбыз бла ёхтемлене, бюгюннгю материалыбызда аны иш бла байламлы бай илму жолуну юсюнден айтыргъа излегенбиз. 

Устазлыкъны жюреклери бла сайлагъанлагъа къадар бере болур ол хунерликни, деригим келеди.  Ала битеу жашауларын школ бла байламлы этип къоядыла. Аккайланы(Герийланы) Мариям ма аллай устазладанды. Ол  Булунгуда туугъанды, школну да анда бошагъанды. Университетни бошаргъа  къадарын Герийланы Назир бла байлап, Жангы Малкъаргъа кёчгенди.  Бу  элни  школунда ишлегенли отуз жылдан атлагъанды.