|
|
Все статьи
20 июля, 2022 - 12:55
Россейни МЧС-ини От тюшюуге надзор этиу къырал органы къорууланыу эм халкъны къыйын болумладан сакълау жаны бла уллу ишни тамамлагъан системады. Аны 95-жыллыгъын белгилеу бла байламлы ведомствону регионда Баш управлениясында энчи составны къууанчлы халда алгъышлагъандыла, деп билдиредиле бёлюмню пресс-службасындан.
20 июля, 2022 - 12:50
Черкесскде эр кишилени бла тиширыуланы араларында шахматладан СКФО-ну чемпионаты бардырылгъанды. Анга округну регионларындан 109 спортчу къатышханды, бизни республиканы келечилери 19 болгъандыла.
20 июля, 2022 - 12:43
Быйыл республиканы автомашина жолларында къадар иш этиле барады. Барыбыз да кёргенибизча, шахарлада, элледе транспорт инфраструктура жангыртылады, эски асфальтны орунуна жангысы жайылады, чыракъла, белгиле орнатыладыла. КъМР-ни Транспорт эмда жол мюлк министерствосунда айтханларыча, ала «Къоркъуусузлу эмда качестволу автомашина жолла» деген миллет проектни чеклеринде бардырыладыла.
20 июля, 2022 - 09:05
«РусГидро» обществону республикада бёлюмюню къаууму «Юг» кесегини спартакиадасында хорлагъанды. Эришиулеге Дагъыстанда, Къарачай-Черкесде, Шимал Осетия-Аланияда, Кубаньда эм талай башха бёлюмледен 110 спортчу къатышхандыла, ала эки кюнню ичинде футбол эм стол теннис ойнап, женгил атлетикада бла жюзюуде сынашхандыла.
19 июля, 2022 - 15:38
РФ-ни Цифралы министерствосу МВД бла бирге автомашиналаны сатыу-алыу жаны бла электрон сервис жарашдыргъандыла. Аны «Госуслуги» порталда табаргъа боллукъду. Аны хайырланнган инсан автомобильни сатыу келишимни толусунлай онлайн халда жарашдырыргъа боллукъду. Юридический жаны бла алып къарагъанда, ол келишимни кючю къагъыт документча аллай кючю боллукъду.
19 июля, 2022 - 15:04
Жашауда болгъан ишди бу (жигитлени атлары тюрлендирипдиле ансы, кишини жанына тиймезча). Барийна бек иги къыз эди, жигер, къолунда иши отча жаннган. Аны анасы Бахыят юйретмегенди ишлерге, ол анга табийгъатдан берилген хунер эди. Анасы уа тышында, къайда болса анда, бир къоншуларында жубана, бирде уа телефон бла бошалмазлыкъ ушакълада.
19 июля, 2022 - 12:00
Мирзоланы Муратны жашы Алий малкъар тилде газетни чыгъарыугъа, аны айнытыугъа уллу къыйын салгъан адамладанды. Ол Кёнделенни орта школунда окъугъанды, аны бошагъанлай, журналист усталыкъ берген институтха кирирге умуту бар эди. Алай къадар башхача оноу этеди – сунмай тургъанлай, Уллу Ата журт уруш башланады.
19 июля, 2022 - 10:42
2022 жылда Къабарты-Малкъарда туризмни айнытыу бла байламлы конкурсха 85 проект жиберилгенди.
Къараугъа битеу да 105 заявка келген эди, алагъа кёре 478 миллион сом изленнгенди. Эм кёп заявка Черек райондан (34) ийгендиле, Нальчикден, Элбрус эм Чегем районну предпринимательлери да тири болгъандыла. Юч заявка Прохладна райондан, Зольскдан да бири алыннганды, деп билдиреди республиканы Курортла эм туризм министерствосуну пресс-службасыны башчысы Ольга Погребняк.
19 июля, 2022 - 09:25
Тюнене Россейни От тюшюуге надзор этиу органына 95 жыл толгъанды.
19 июля, 2022 - 09:05
Иши, усталыгъы адамны халин, къылыгъын тюрлендиредиле, дейдиле.
18 июля, 2022 - 19:46
КъМР-ни илмусуну сыйлы къуллукъчусу Гуманитар тинтиулени Къабарты-Малкъар институтуну директору Касболат Дзамиховну бизге айтханына кёре, XVI ёмюрде Кавказда ич политика тынч болмагъанды. Бийлени араларында бирлик жокъ эди, ала кеслерини сейирлерин сакълай, бир бирлери бла уруш этип тургъандыла. Бу болум бла уа регионну къолгъа этерге умутларын юзмеген тыш къыралла хайырланмай къоймагъандыла, ала регионда аскер къажаулукъну кючлегендиле.
18 июля, 2022 - 17:13
Къабарты-Малкъар Республиканы Башчысы Казбек Коков Прохладныйде орналгъан 31681 аскер частьны энчи борчланы толтургъан энчи бригадасы къуралгъанлы 10 жыл толгъанына жораланнган къууанчлы жыйылыугъа къатышханды. Казбек Коков бла частьны командири Сергей Подгурский энчи составны алгъышлагъандыла, аскерчилеге бийик къырал саугъала бергендиле, аланы бериуню юсюнден Указгъа Россей Федерацияны Президенти Владимир Путин къол салгъанды.
18 июля, 2022 - 13:39
Бюгюн мен хапарын айтырыкъ устаз Макъытланы Камалны къызы Жаннетады.
18 июля, 2022 - 13:23
КъМР-ни Башчысы Казбек Коков Прохладный шахар округда болгъанында, Къабарты-Малкъарны православный килисаларыны благочинныйи протоиерей Валентин Бобылев бла тюбешгенди, деп билдириледи КъМР-ни Башчысыны бла Правительствосуну пресс-службасындан.
18 июля, 2022 - 13:05
Биз КъМР-ни Гуманитар тинтиуле бардыргъан институтуну къарачай-малкъар тил секторуну таматасы, филология илмуланы доктору, КъМР-ни илмусуну сыйлы къуллукъчусу Мусукланы Абдулкеримни жашы Борисден тил бла байламлы чыгъа тургъан бир ненча соруугъа жууапла беририн излегенбиз. Бу жаны бла жарсыу бюгюнлюкде уллу болгъаны ючюн, ушагъыбыз да окъугъан адамны энтта бир кере сагъышландырыр деп ышанып аны къатлайбыз.
18 июля, 2022 - 08:18
Къабарты-Малкъарны Жамауат палатасында «КъМР-де экология билим бериуню эм экология жарыкъландырыуну юсюнден» закон къалай толтурулгъаны сюзюлгенди.
18 июля, 2022 - 08:08
Россей Федерацияны Сауутланнган кючлери Винницада сабийле туугъан юйню бла медицина араны бузгъандыла деп, жалгъан хапарны Владимир Зеленский бла украинлы асламлы информация органла жайгъандыла.
17 июля, 2022 - 16:00
Малкъар халкъ кёп ёмюрлени ичинде кесини жашау болумуна келишген жорукъланы къурай, жюрегин жыр, жомакъ, сыбызгъы, къобуз, сырыйна согъуу бла къууандыра келгенди.
17 июля, 2022 - 12:00
Минги тауну тийресинде «Вольфрам» къонакъ юйде «Элбрусда сёлешиу майдан-2022» деген тёрели регионла аралы конференция ётгенди.
17 июля, 2022 - 09:05
Беккиланы Иссаны жашы Азрет эркин тутушуудан СССР-ни спортуну сыйлы устасыды, РСФСР-ни эркин тутушуудан, самбодан СССР-ни,
тутушууну миллет тюрлюсюнден Шимал Кавказны да чемпионуду.
Страницы
|
