Право

Чулгъамда уа – уу

КъМР-де МВД-ны наркотиклеге къажау бёлюмюню келечилери алгъын да башы сюдлюк болгъан 55-жыллыкъ инсанны юйюн тинтгендиле.  Аны кезиуюнде полициячыла кырдыгы бла чулгъам тапхандыла. Битеу да  бирге 4 артмакъда къызыл-акъсыл тюрсюнлю 14 капсула бар эди. Эр киши айтханыча, ала наркотикледиле, ол аланы  кесине асырагъанды.

Кредитни тёлемезге ким эркинди?

Мобилизациягъа тюшгенлеге эмда аланы юйюрлерине кредит каникулла бериу жаны бла федерал закон ишлейди. Бу амал бла къалай хайырланыргъа боллугъун ангылатыргъа сюебиз.

Интернетде сакъ болугъуз!

РФ-ни СК-сыны КъМР-де следствие управлениясы сабийлеге интернетде къоркъуусузлукъну жорукъларын эсгертеди.

Бирикдирилген базаны къураугъа, праволу жамауатны кючлеуге себеплик

 Россейни   субъектлеринде законла чыгъарыучу органланы араларында байламлыкъла къураугъа энчи магъана береди. Ол а законла чыгъарыучу ишни хайырлылыгъын игилендирирге, депутатлагъа сынаулары бла алышыныргъа себеплик этеди.

Жолда жюрюуню жорукъларын билмеген сабийле ючюн жууаплылыкъны – абаданлагъа

Жолда жюрюуню къоркъусузлугъуну жорукъларын бузгъан сабийлени ата-аналарын жууапха тартыргъа боллукъдула. Быллай сынауну Москвада бардырыргъа мурат барды, деп билдиредиле «Российская газетада». 

Ахчаны жибергенде не зат жазаргъа жарамайды?

Ахчаны бир бирге карта бла жибериу неда тёлеулени электрон амал бла этиу харкюннгю жашауубузгъа, айхай да, сингнгенди. Закон ахчаны былай ийгенде сообщение жазаргъа буюрмай эсе да, кёпле ол амалны хайырланыргъа сюедиле. Бир-бирде, ол жазылгъан ишеклик туудурса, банк ахчаны аз ёлчемде да жибериуге чек салып къояды. Аллай эсепге, бир жанындан къарагъанда, хатасыз чам неда тёлеуню юсюнден жорукълагъа келишмеген эсгертиу келтирирге да боллукъду.

Хата неден чыгъады?

Элбрус районда регионла аралы колледжни  окъуучулары «Россейни сабийлери -2023» ведомствола аралы  ангылатыу жумушлагъа къатышхандыла. Ала бла тюбешиуге право низамны сакълаучула келгендиле.

Жигит аскерчилеге баш ура

Росгвардияны Черек районда ведомстводан тышында къалауурлары «Эсде тутууну сакълай» битеуроссей акциягъа къатышхандыла, деп билдиргендиле бизге кюч ведомстводан. Ала Къашхатауда Уллу Ата журт урушда жан берген жигитлени хурметине ишленнген эсгертмени эмда аны тийресин тапландыргъандыла. 

Ишден кетгенде эркинликлеригиз бузулмазча

Инсан ишинден кеси ыразылыгъы бла чыгъа эсе, ол оноууну юсюнден иш бла жалчытхан организациягъа кетерини аллында бек аздан эки ыйыкъдан алгъа билдирирге керекди. Бу болжал адам заявленияны берген кюнюнден башлап, ол отпуск неда больничныйде эсе да, саналып башлайды. Белгиленнген заманны ичинде ол ишин бардырыргъа тийишлиди. Инсан эки ыйыкъны ишлерге унамай эсе, организация анга ол заманны сылтаусуз келмегенча «прогулла» жазаргъа эм аны ишден кеси ыразылыгъы бла угъай, жорукъланы бузгъанча чыгъарыргъа боллукъду.

Экстремизмге къажау бирча къаты сюелирге

Къабарты-Малкъар къырал  гуманитар-техника  колледжде  «Кёрюп болмаулукъгъа  бла  зорлукъгъа – угъай» деген федерал программаны  чеклеринде  оператив  профилактика тюбешиу къуралгъанды. Бу жумушда  жаш  тёлюню ётюрюк  болумлагъа алданып, террор бла  байламлы «Колумбайн» биригиуге  къатышмазча  чакъыргъандыла. Тюбешиуге КъМР-ни жаш тёлюню ишлери  жаны  бла  министерствосуну  бла МВД-ны Экстремизмге  къажау  кюреш бардыргъан арасыны  келечилери    къатышхандыла.

Страницы

Подписка на RSS - Право