Политика

«Нальчикни шахар поликлиникасында къурулуш ишле къыстау бардырыла турадыла, аны быйылгъы жылны экинчи жарымында хайырланыргъа берир мурат барды. Бу проект Россейни Правительствосунда къабыл кёрюлген эди эмда «Саулукъ сакълау» программагъа тюшгенди.

Жаш тёлю политиканы бардырыугъа къырал, регион даражада да уллу магъана бериледи. «РФ-де Жаш тёлю политиканы юсюнден» федерал законнга тийишлиликде анга норматив, право, ахча-экономика, къурау эм башха мадарла киредиле. 

Бюгюн эрттенликде Нальчикде террорчулукъгъа къажау кюреш бла байламлы кийирилген болум кетерилгенди. Аны юсюнден КъМР-де Оператив штаб билдиреди.

Бюгюн 13 сагъатда Эльбрус районну администрациясыны  башчысыны къуллугъун толтургъан Сотталаны Къурман КъМР-ни Регионнга оноу этген арасында «Магъаналы соруула» деген тема бла байламлы министерстволаны, ведомстволаны эмда жер-жерли администрацияланы таматалары  бла бардырылгъан ушакъгъа къатышырыкъды.

 Къабарты-Малкъарны муслийманларын жюрегими теренинден алгъышлайма! 

Чегем районда Чегем2-Чегемцук деген жолгъа тынгылы ремонт этиле турады. Жолну узунлугъу 3,5 километр болады эм ол магъаналы социал объектлеге: школлагъа, поликлиникагъа, сабий садха эм спорт школгъа баргъан жолгъа саналады.

СВО жаны бла ишчи къауум Президентге  хазырлагъан докладда аскерчилеге бир-бир документлени женгиллетилген амал бла хазырлауну юсюнден башламчылыкъ этилгенди. Дагъыда Донбассны регионларында ополченецлени бла ич ишле органлада къуллукъ этгенлени льготала бла жалчытыуну юсюнден да айтылгъанды.

«Единая Россия» жанлыла бла бардырылгъан ангылатыу жумушланы хайырындан  РФ-ни Президентин айырыугъа 31 миллион адам къатышханды.  

КъМР-ни Башчысы Казбек Коков  Подмосковьеде Красногорскде террористлени хаталарындан ажымлы ёлгенлени эсгериуге  болжаллылы халда этилген мемориалгъа гюлле салгъанды. Террористле аманлыкъчы ишлерин 22 мартда ингирликде 8 сагъатда,jболдургъандыла.

 КъМР-ни Башчысы Казбек Коков республикада болжаллы халда адамла аслам жыйылыгъан мероприятияла бардырыллыкъ тюйюлдюле деген оноуну этгенди.