|
Жамауат
5 марта, 2023 - 10:33
Аскерде къуллукъ этиу не заманда да сыйлыгъа саналгъанды. Бюгюнлюкде да алай барады. Жашларыбыз, Ата журтну жалынчакъсызлыгъын къоруулауну кеслерини сыйлы борчларына санап, энчи аскер операциягъа къатышадыла, антларына кертичиликлери бла да юлгю кёргюзтедиле, батырлыкълары, кишиликлери ючюн да сыйлы майдаллагъа бла орденлеге тийишли боладыла.
5 марта, 2023 - 09:35
Хар заманда да жыйылыулада устазларыбызны алгъышласала, саугъаласала да, ол бизге хычыуун кёрюнеди. Алгъаракълада республикада Устазны бла насийхатчыны жылын къууанчлы халда ачылыуу бла байламлы ингирде белгиленнген педагогланы санында уа Къартлыкъланы Аминат да болгъанды.
5 марта, 2023 - 09:05
Бу кюнледе Нальчикде Марко Вовчокну юйю-музейинде «Долинскде тюбешиуле» деген ат бла къууанчлы жыйылыу болгъанды. Аны Дуния Артий комитетни вице-президенти Ауес Бетуганов, Искусстволаны Шимал-Кавказ институтуну профессору Людмила Шауцукова, КъМР-де китапны сюйгенлени обществосуну толтуруучу советини таматасы Наталья Шинкарёва, музейини директору Энесса Лажараева къурагъандыла. Аланы башламчылыкъларын КъМР-ни Жамауат палатасы, Республикалы миллет музей да уллу ыразылыкъ бла къабыл кёргендиле.
5 марта, 2023 - 08:10
Адам усталыгъын сайлап, аны кёп жылланы ичинде бардыра эсе, ол аны къадары болгъанына тюшюнесе. Толгъурланы Лида (Жаболаны Махмутну къызы) бла да ма алай болгъанды.
4 марта, 2023 - 10:31
Бу кюнледе Чегем шахарда КъМР-ни халкъ поэти Къулийланы Къайсынны Юйю-музейин Прохладна шахарны пионерлери жокълагъандыла. Аланы къурап ары келтирген пионер организацияны таматасы Сусанна Чолакова болгъанды.
Эрттенликде атала-анала, пионерле да кеслеринде жыйылып, митинг бардыргъандыла. Анда Ата журтха сюймеклик, кертилик бла байламлы насийхат сёз айтылгъанды. Ызы бла жаш адамла къауум устазлары бла музейге келгендиле.
4 марта, 2023 - 09:05
Бюгюн бизни ана тилибизде китапла чыгъадыла, жырла айтыладыла, радио, телевидение бериуле да барадыла. Алада этилген ишни авторлары белгилидиле. Алай а ол затланы жамауатха туура этер ючюн кюч салгъанланы асламысы ташада къаладыла. ГТРК «Кабардино-Балкария» атлы къырал радиода ишлеген Тебердиланы Мариям, Геляхланы Маликни къызы, аладанды. Ол анда звукорежиссёр – магнит жазыулада инженер болуп уруннганлы къыркъ жылдан атлагъанды.
4 марта, 2023 - 08:23
Сабий китапханалада уруннганланы жамауат ишлери бир заманда да тохтамайды. Бизни республикада жашагъан халкъланы тарыхларына, миллет тиллерибизге аталгъан эришиуле да быллай жерледе дайым болгъанлай турадыла.
3 марта, 2023 - 18:05
Мамхегов Мартинни жашлары Тимур бла Азамат жети жыл мындан алгъа юйге жылыу келтирген системаланы сатхан тюкенни ачып, бюгюнлюкде Нальчикде жетишимли ишлейдиле.
3 марта, 2023 - 16:39
Жарсыугъа, жылдан-жылгъа къартларыбыз аздан-аз бола барадыла. Алайсыз да ол къадар къыйынлыкъны кёрюп иги да жашайдыла. Къартларыбызны асламысы 1917-1930 жыллада туугъанладыла. Ол жылла уа къыралыбызгъа эм къыйын болгъандыла. Уллу Октябрь социалист революциядан сора къыралыбыз эс жыялмай кёп заманны тургъанды. Аягъы юсюне бола келгенлей, Уллу Ата журт уруш башланады.
3 марта, 2023 - 16:34
Жолоучуну эсгериулери
1893 жылда «Природа и охота» журналда С.Ф.Давидовични «Кавказ таулада» деген жолоучу эсгериулери басмаланнган эдиле. Бюгюн аланы бир кесеги бла сизни шагъырей этерге сюебиз.
Страницы
|