Жалгъан суусап суула чыгъаргъаны ачыкъланнгандыМВД-ны КъМР-де Экономика къоркъуусузлукъну эм коррупциягъа къажау управлениясы оператив-излеу ишлени кезиуюнде Нальчикде букъдуруп ишлеген цех тапхандыла. Анда белгили спирти болмагъан газ сууланы шешалагъа къуюп, сатаргъа хазырлай эдиле, деп билдиргенди Россейни МВД-ны келечиси Ирина Волк. Прохладна шосседе орналгъан цехни тинтген кезиуде 51 минг эки- литрлик контрафакт шеша суула тапхандыла. Ачыкъланнганыча, эр киши арендагъа алгъан склад мекямында продукцияны сатар умут бла жыя эди. Бу сууну керти иесине алай бла алты миллионнга жууукъ къоранч этилгенди. МВД-ны Нальчикде 2-чи номерли бёлюмюнде РФ-ни УК-сыны 180-чи статьясыны 1-чи кесегине тийишлиликде терслеу иш ачхандыла, аны республикадан тышына кетерге эркинлиги болжаллы халда сыйырылгъанды, - деп билдиргенди Россейде МВД-ны келечиси.
Поделиться:
Читать также:
17.04.2024 - 10:44 →
Следовательге улутха берирге умут этгеннге сюд этилликди
16.04.2024 - 12:43 →
Тутмакъда жыйырма жылгъа дери тутулургъа боллукъду
02.04.2024 - 15:20 →
Болумну оноучула бла сюзгенди, учреждениялада да болгъанды
22.03.2024 - 14:58 →
Кийимлеринде уа – уу
14.03.2024 - 10:01 →
Жутлукъ
|