Къонакъгъа келип, тонап кетгенди

22 июньда РФ-ни МВД-сыны «Прохладненский» муниципалитетле аралы бёлюмюне Прималкинское элден 34-жыллыкъ тиширыу тарыгъып келгенди. Аны айтханына кёре, ол Интернетде къоншу региондан эр киши бла танышханды, бир-эки кюн ушакъ этгенден сора уа, ол  къонакъгъа келгенди. 

Алай юйде  тиширыу кёрмеген кезиуде ол адам 76,6 минг сомун урлап, тас болгъанды. Излеу жумушланы кезиуюнде полициячыла аманлыкъчыны ачыкълагъандыла. Ол Чечен республикадан башы алгъын да сюдлюк болгъан 38-жыллыкъ эр кишиди. Ол этген бузукълугъуна женгдиргенди, бу шартла бла байламлы уголовный иш ачылгъанды. 

Тикаланы Фатима хазырлагъанды.
Поделиться: