Ачыкъ эшикни хайырындан алтын къоллу болгъанды

3 июля, 2019 - 08:12

Быйыл 25 июньда бир белгисиз эр киши Нальчикде Лермонтов атлы орамда кёп къатлы юйледен бирине киргенди. Фатарны эшиги ачыкълай къалгъанын кёрюп, отоуда столда алтын затланы алып кетгенди. 

Мекямны иеси юйюне 15 минутдан къайтханда, ырысхысы тас болгъанын кёрюп, право низамны сакълаучулагъа сёлешгенди. Анга   185 минг сом къоранч этилгенди.   

Тинтиу-излеу жумушланы кезиуюнде РФ-ни МВД-сыны Нальчик шахарда Управлениясыны уголовный розыскыны къуллукъчулары аманлыкъ этгенине ишеклини ачыкългъандыла. Ол башы алгъын да сюдлюк болгъан 38-жыллыкъ нальчикчиди, ол этген аманлыгъына женгдиргенди. Алтынны бир кесеги иесине къайтарылгъанды.

Тикаланы Фатима хазырлагъанды.
  • 12 просмотров
Поделиться: