Газны эркинликсиз сатханды

РФ-ни Следствие комитетини КъМР-де следствие управлениясыны къуллукъчулары бахсанчы тышырыугъа ачылгъан уголовный ишни тинтип бошагъандыла. Ол адамны саулугъуну, жашаууну къоркъуусузлугъун жалчытыу жаны бла жорукълагъа келишмеген жумушла тамамлагъаны ючюн терсленеди (РФ-ни УК-сыны 238-чи статьясыны 1-чи кесеги).

Следствие тохташдыргъаныча, быйыл апрельде, газны сатып алыу, асырау эм сатыу бла байламлы лицензиясы неда эркинлик документлери болмай,  машиналагъа отлукъ къуюу бла байламлы ишни къурагъанды. Болсада ол газ хайырланнган объектде къоркъуусузлукъну жорукъларын жалчытмагъанды. Машиналагъа эм баллонлагъа газны къуйгъанда хайырланылгъан цистерна эм колонка заводда чыгъарылмай, халкъ устала кеслери жарашдыргъанлары да тохташдырылгъанды.

Тикаланы Фатима хазырлагъанды.
Поделиться: