Дамирни мураты толгъанды«Муратланы толтургъан назычыкъ» республикалы акцияны чеклеринде Сюд приставла Занкишиланы Дамирге спорт инвентарь алыргъа сертификат бергендиле. Къабарты-Малкъарны Сюд приставлары жыл сайын республиканы бу жандауурлукъ акциясына къатышадыла. Быйыл КъМР-ни Правительствосуну юйюнде назыдан 9 открытканы алгъандыла. Алада сакъатлыкълары болгъан, къыйын жашау болумлагъа тюшген юйюрледен сабийлени муратлары жазылып эдиле. Биринчи ала, белгилегенибизча, Занкишиланы Дамирни муратын толтургъандыла. 1-чи номерли школа-интернатны окъуучусу 10-жыллыкъ жашчыкъ эрттеден бери бокс бла кюреширге сюйюп тургъанын билдиргенди. Алай керекли затлары болмай, спорт бла кюрешалмай тургъанды. Приставла жашчыкъгъа форма алырча сертификатны саугъалагъандыла, деп билдиредиле Сюд приставланы КъМР-де управлениясыны пресс-службасындан.
Поделиться:
Читать также:
17.05.2024 - 17:04 →
Ариу къызны жарсыулу къадары
17.05.2024 - 13:13 →
Ахча алыргъа умуту юзюлгенди
17.05.2024 - 13:04 →
Солуу учузуракъ болурча
17.05.2024 - 11:22 →
Инсан саулугъун ишлеген жеринде тинтирге боллукъду
17.05.2024 - 09:00 →
Сейирге къалдыргъан музейле
|