«Мир» карточкала тап ишлерча

Банк карточка бла тёлерге онг берген POS-терминалла эмда башха программа-электрон затла чыгъарыучу компания кесини оборудованиясын «Мир» тёлеу система бла тынгылы ишлерча этгенди. Энди ол затла хайырланыргъа жараулу болжалы чыкъгъан быллай карточкаланы алгъынча аллыкъдыла. Аны себепли банкланы къоранчлары азыракъ боллукъду, деп айтылады Объясняем.рф сайтда.

«Ахчаны къолдан къолгъа бермей кёчюрген система бюгюнлюкде кенг хайырланылгъан эмда адамлагъа тап келген амалды. Аны себепли терминалла эмда тийишли оборудование чыгъарыучу компанияла кеслерини ишлерин тёлеу карталаны Миллет системасына (НСПК) келиширча этгендиле. Ол а Россей Федерацияда банк карточкала бла тёлеулени барын да тийишдиреди. Алай бла Москвада быллай терминалла чыгъарыучу компания кесини оборудованиясын «Мир» системада ишлерча этгенди. Айтылгъаныча, ол энди болжалы быйыл февральда чыкъгъан карталаны да алады», - дегенди Москваны инвестициялы эмда промышленность политика департаментини башчысы Владислав Овчинский.

Ол компанияда айтханларына кёре, аланы VENDOTEK терминаллары бла валидаторлары кюн сайын миллион транзакция жарашдырадыла. Бюгюнлюкде Россейде эмда тыш къыраллада аны 110 мингден артыкъ устройствону ишлейди.

«Терминальные технологии» компанияны башчысы Игорь Сухоставский билдиргенича, «Мир» карталаны хайырындан бизни къырал импортну алышындырыу жумушну жалчытады. «Биз НСПК бла бирге ишлейбиз, быллай тёлеуле жаны бла жангы технологияланы сингдирирге хазырланабыз», - дегенди ол.