Бир бирге хурмет этиу – къоркъуусузлукъну себеби«Жаяу адам. Жаяу ётерге жарагъан жер» энчи жумушланы кезиуюнде жолда жюрюуню къоркъуусузлугъуну инспекторлары жорукълагъа беш жюзден артыкъ бузукълукъну ачыкълагъандыла. Тинтиуле 16-25 майда бардырылгъандыла. Он кюнню ичинде право низамны сакълаучула жолда жюрюуню жорукъларына 623 бузукълукъ этилгенин тохташдыргъандыла. Ол санда 309 водитель жаяу ётерге жарагъан жерде баргъан инсанлагъа жол бермегенлери ачыкъланнганды. 303 бузукълукъну уа жаяу адамла этгендиле. Энтта 11 водитель машиналарын жаяу адамла жолдан ётген жерде къойгъанлары ючюн жууапха тартылгъандыла. УГИБДД-дан бизге билдиргенлерича, жолда водительлени, жаяу адамланы да низамлылыкъларын кючлеу, жорукъланы ангылатыу мадарла мындан ары да бардырыллыкъдыла. Инспекторла аварияла асламында жаяу баргъанла машина жууукълаша келгенине къарамай, жолгъа чартлап чыкъгъанларыны хатасындан болгъанларын эсгертедиле. Водительле уа жолдан жаяу ётерге жарагъан жерледе акъыртын болургъа кереклисин унутадыла. Право низамны сакълаучула жолда жюрюуге къатышханланы барысын да сакъ болургъа, бир бирге хурмет этерге чакъырадыла.
Поделиться:
Читать также:
17.04.2024 - 10:44 →
Следовательге улутха берирге умут этгеннге сюд этилликди
16.04.2024 - 12:43 →
Тутмакъда жыйырма жылгъа дери тутулургъа боллукъду
02.04.2024 - 15:20 →
Болумну оноучула бла сюзгенди, учреждениялада да болгъанды
22.03.2024 - 14:58 →
Кийимлеринде уа – уу
14.03.2024 - 10:01 →
Жутлукъ
|