Жолда эсиргенни кёрсегиз, сансыз къалмагъыз

«Кеф водитель» тинтиу жумушланы кезиуюнде жолда жюрюуню къоркъуусузлугъуну инспекторлары эсирип эмда машинаны жюрютюрге эркинлиги болмай жолгъа чыкъгъан 49 инсанны ачыкълагъандыла.

Аладан экисине бу аманлыкъны къайтарып этгенлери, медицина тинтиуледен ётерге унамагъанлары ючюн  РФ-ни УК-сыны 264.1-чи статьясына тийишлиликде терслеу материалла хазырланнгандыла.

Рейд баргъан 8 сагъатны ичинде полициячыла 8 водительни эсирип тургъанлай тутхандыла. Дагъыда 39 инсанны  машинаны жюрютюрге эркинликлери болмагъанлары тохташдырылгъанды.

Жолда жюрюуню къоркъуусузлугъуну инспекторлары эсирген адамны руль артына олтургъанын неда жолда биреу башхаланы саулукъларына, жашауларына къоркъуу салгъанын кёрсегиз, УГИБДД-гъа бу телефон номерлеге сёлешип билдириригизни тилейдиле:     8 (8662) 495062, 961000, 911096 неда 102.