Социал тёлеуню тергеуню юсюнден

РФ-ни Къурулуш эм жашау журт-коммунал мюлк министерствосу, субъектледе жашау журтну битеулю ёлчемини бир квадрат метрини быйыл экинчи кварталда орталыкъ (рынокда жюрюген) багъаларын тохташдыргъанды. Ведомствону аны бла байламлы 215/пр номерли буйругъу быйыл 29 мартда чыкъгъанды.

КъМР-ни прокуроруну баш болушлукъчусу Сотталаны Жанна билдиргеннге кёре, бу кёрюмдю социал тёлеулени ёлчемлерин тергегенде хайырланылады. Сёз мында гражданланы битеу (анга тийишли) тюрлю категорияларына жашау журт сатып алыргъа неда ишлерге къырал (федерал бюджетден) ахча бергенни юсюнден барады. Алай бла, ол буйрукъгъа тийишлиликде, Къабарты-Малкъар республикада быйыл экинчи кварталда бу кёрюмдю 46686 сом болады.