Тырныауузчула – алчы жерледеНарткъалада «Эльбрус» картодромда картингден Къабарты-Малкъарны биринчилиги бардырылгъанды. Ол Совет Союзну Жигити М.А. Яхогоевни хурметине аталып къуралгъанды. Эришиулеге бизни республикадан, ЮФО-ну башха регионларындан да 70-ден аслам спортчу къатышханды. Анда Тырныауузну 5-чи номерли гимназиясыны «Цветмет» деген къошакъ билим бериу бёлюмюню къаууму жетишимли болгъанды. «Пионер» классда - Башийланы Къууанч, «Кадетде» уа Салпагъарланы Адей хорлагъандыла. «Миллет юниор» классда ючюнчю жерни Гюлюйланы Керим алгъанды. Алай бла тырныауузчула битеулю эсепле саугъагъа тийишли болгъандыла. Аланы тренерле Шамурзаланы Батай бла Алексей Бабенко юйретедиле.
Поделиться:
Читать также:
16.05.2024 - 13:22 →
Терк район – биринчи жерде
16.05.2024 - 13:20 →
Спартакиадада сермеширге эркинликни къоруулагъандыла
16.05.2024 - 10:30 →
Жаш гёжефледе – алтын да, кюмюш да майдалла
15.05.2024 - 18:20 →
«Жигитлени къауумунда» - алчыла
15.05.2024 - 18:16 →
Хорламны байрамына – дзюдодан эришиу
|