Сёзлерин кертиге санагъанды

Май районну прокуроруну орунбасары Алексей Антышев эр кишиге адамны ёлтюреме  деп  къоркъутханы ючюн ачылгъан уголовный ишни къабыл кёргенди (РФ-ни УК-сыны 119-чу статьясыны 1-чи кесеги).

Тохташдырылгъаныча, былтыр декабрьде майскечи эсирип, таныш тиширыугъа   бичакъ кёргюзтюп, аны ёлтюрюрге хазыр болгъанын айтханды.  Бу сёзлени ол кертиге санагъанды.

Уголовный иш жарашдырыучу судьяланы къараууна берилгенди. Быллай бузукълукъ этгенни эркинлиги эки жылгъа сыйырылыргъа боллугъун белгилерачады.

Сауутну, окъланы урлагъанды

Май районну прокуроруну орунбасары Алексей Антышев эр кишиге ачылгъан уголовный ишни къабыл кёргенди. Районну инсаны сауутну, анга окъланы урлагъаны эмда эркинлиги болмай машинаны къолгъа этерге кюрешгени ючюн терсленеди. Анга РФ-ни УК-сыны 226-чы статьясыны 1-чи кесегине эмда 166-чы статьясыны 1-чи кесегине кёре терслеу материалла ачылгъандыла.

Следствие ачыкълагъаныча, былтыр ноябрьде эр киши сауутну эмда анга окъланы урлагъанды. Ол, аланы машинагъа жюклеп, къачаргъа умут этгенди.  Алай транспорт аны иелигинде болмагъанын айтырчады.

Аманлыкъчыны право низамны сакълаучула излеу жумушланы кезиуюнде тапхандыла эм тутхандыла.

Уголовный иш сюдню къараууна берилгенди. Быллай аманлыкъ этгенни эркинлиги 7 жылгъа сыйырылыргъа боллугъун айтырчады.