Биягъы тинтиуледен ётерге унамагъанды

Жолда жюрюуню къоркъуусузлугъуну инспекторлары «Кавказ» федерал трассада «ВАЗ-21144» машинаны тохтатхандыла. Аны 33-жыллыкъ водители медицина тинтиуледен ётерге унамагъанды.

Полициячыла эр киши алгъын да жолгъа кеф болуп чыкъгъанына ишекликде тутулгъанын, алай ол заманда да медицина тинтиуледен ётерге унамагъанын ачыкълагъандыла.   Аны ючюн водитель жарашдырыучу судьяны оноуу бла РФ-ни КоАП-ыны 12.26-чы статьясыны 2-чи кесегине кёре административ жууапха тартылгъанды.

Энди уа анга Россейни УК-сыны 264.1-чи статьясыны 2-чи кесегине кёре терслеу материалла ачылгъандыла. Ол алгъын административ жууапха тартылып, жангыдан эсирип машинаны жюрютгени ючюн терсленеди.

 

 

 

Басмагъа Тикаланы Фатима хазырлагъанды.
Поделиться: