Борчларынгы юсюнден бил

Россейни Сюд приставларыны  федерал службасыны Къабарты-Малкъарда управлениясы эмда Ич ишле министерствону транспортда линейный  бёлюмю «Борчларынгы юсюнден бил» деген кезиулю акцияны бардыргъандыла.

 «Нальчик» халкъла аралы  аэропортха эмда  Къабарты-Малкъарны ара шахарыны темир жол вокзалына келген инсанла сюд приставладан Россейни ФССП-сыны электрон  сервисини ишлеуюню юсюнден  консультацияла алгъандыла.

 Акцияны кезиуюнде самолётла, поезд бла да келген  жюзден артыкъ  пассажир  борчлары болгъаны бла къалгъанын  билир эм дагъыда,  ала бар эселе, аладан  къалай къутулургъа боллугъуну  юсюнден амал бла шагъырейленнгендиле.

 Къабарты-Малкъар Республикада Сюд приставланы  федеральный службасыны управлениясы эсге салады:  официальный сайтда «Банк данных исполнительных производств» ишлейди, аны хайырланып, андан толу билдириу алыргъа боллукъду. Борчлу эсенг а, аны юсю бла тёлеп къутулур онг да барды. Андан сора да, Къырал эмда муниципал жумуш этиуню бир порталында борчлары болгъанлагъа билдириуле бардыла. Соруу бергенлени 75 процентинден асламыны соруууна  юч секундну ичинде жууап бериледи.

 Интернет –платформада ишлеген кезиуде бир къауум жорукъланы  толтурургъа тюшеди. Башхача айтханда, жашырынлыкъны эсге алып ( банк приложениялада парольланы дайым да алышындыра турургъа, кёп факторлу аутентификацияны хайырланыргъа да), къоркъуусуз электрон почта, мессенджерле, социал сетьле, дагъыда антивирус къорууланыуну хайырланыргъа да унутмай ишлерге  тийишлиди.