Къыш Олимпиада ОюнлаФигуристка ахшы кёрюмдюле сакълайды Олимпиада оюнланы юч кере чемпиону Ирина Роднинаны тюнене Пекинде ачылгъан эришиулени юсюнден кесини оюмун билдиргенди. Ол белгилегеннге кёре, быйылгъы оюнлада фигурное катаниеде эришмеклик бек кючлю боллукъду. Россейли спортчуланы юслеринден айта, белгили фигуристка аланы онглары бек иги болгъанын чертгенди. Бюгюнлюкде ол спортну къыш тюрлюлеринде бек ахшы кёрюдюледен бириди. Пекинде эришиуле командаланы араларында башланырыкъдыла. Ирина Роднинаны оюмуна кёре, ол алай сейир тюйюлдю. Энчи эришиуледиле адамланы сейирлерин къозгъагъанла. Дагъыда журналистлени сорууларына жууап бере, ол Олимпиада оюнлагъа фигуристле бла байламлы бир жангы эришиу къошаргъа боллугъун айтханды. - Синхронное катание эрттеден да «эшик аллында» сакълайды кесини кезиуюн,- дегенди ол. Ковид бла байламлы чекле салыннганлары себепли, белгили фигуристка Пекиннге барыр муратлы тюйюлдю эм битеу россейлилени да эришиулеге телевизорла аллында къараргъа чакъырады.
Поделиться:
Читать также:
06.05.2024 - 13:27 →
Къыралны къауумуна киргенди
06.05.2024 - 12:45 →
Алчыланы санында
06.05.2024 - 08:00 →
Эм кючлю – республикабызны къаууму
03.05.2024 - 10:16 →
Ат чаришле ариу миллет тёреледен биридиле
02.05.2024 - 11:42 →
Жаралы аскерчиле саулукъларын кючлерча
|